2019.10.03 - 23:30

Avropa Liqasının qrup mərhələsi çərçivəsində keçirilən "Qarabağ"la "Düdelanj" matçında təxribata yol verilib.

Axar.az xəbər verir ki, "Qarabağ" ikinci qolu rəqib komandanın qapısından keçirdikdən sonra meydanın ortasında dron vasitəsilə qondarma Dağlıq Qarabağ rejiminin bayrağı dalğalandırılıb.

Hazırda davam edən matçda fasilə yaranıb. "Qarabağ"ın oyunçuları təxribata etirazlarını bildiriblər. Hakim matçı qeyri-müəyyən müddətə təxirə salıb.

***

Müəyyən təhlükəsizlik tədbirləri görüldükdən sonra "Düdelanj"la "Qarabağ"ın matçı artıq bərpa edildi.

***

Matçın bərpa edilməsinin səbəbi açıqlanıb.

Lüksemburqun İdman nazirinin üzrxahlığından sonra görüş bərpa edilib.

Oyun qaldığı yerdən, 31-ci dəqiqədən etibarən oynanılıb. Hazırda görüşün ilk hissəsi başa çatıb.

***

Son məlumata əsasən, Lüksemburqun İdman naziri "Qarabağ"ın paltardəyişmə otağına gələrək komandadan üzr istəyib. Daha sonra "Qarabağ Azərbaycanındır. Bunu belə də qəbul edirik" deyib və təxribata yol verənlərin cəzalandırılacağını söyləyib.