Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
17 Fevral 2020


Saxtakar namizədlər: ilk fürsətdə nələr edirlər!..

Ana səhifə Hadisə
12 Punto 14 Punto 16 Punto 18 Punto

Fevralın 9-da keçiriləcək parlament seçkilərini ölkə ictimaiyyəti böyük maraqla gözləyir. Hər kəs demokratik, qanun-qayda çərçivəsində seçki keçiriləcəyinə inanır. Bəzi namizədlərdən başqa...

Bildiyiniz kimi, saytlarda onlayn səsvermə bölməsi yaradılıb – Axar.az-da da yerləşdirilib. Bu, fevralın 9-dakı seçkiyə heç bir təsir etməyən platformadır. Seçici aktivliyinə təsir etmək üçün düşünülmüş bir formadır.

Amma gəlin görək bəzi namizədlər bu “simvolik qutuda” hansı rüsvayçılıqlar edirlər.

Bu adamlar gedib seçicilərlə görüşmək, xalqa yaxın olmaq əvəzinə haker tapıb, onlayn səsverməyə müdaxilə edirlər və saxtakarlıqla səs faizlərini artırırlar.

Bunlar təkcə saxtakar deyil, həm də ağılsızdırlar. Çünki xüsusi əhəmiyyəti olmayan bu onlayn səsvermədə qalib olmaq üçün hakerlərə pul ödəyirlər.

Məni yandıran isə budur: demokratik seçki tələbi, istəyi və arzusu ilə seçkiyə qoşulduğunu bildirən namizəd ilk fürsətdəcə seçkini saxtalaşdırdı.

Bu adamlar hələ onlayn səsvermədə belə saxtakarlıq edirlər. Əllərində fürsət olsa, fevralın 9-da qalib gəlmək üçün hər cür həyasızlığa, saxtakarlığa əl atarlar.

Mən belələrinə “seçki qutusu siçovulları” deyirəm. Siçovul kimi girib qutuda eşələnirlər, elə bilirlər, heç kimin xəbəri yoxdur.

O adamlar bilməlidirlər ki, bu “onlayn tərbiyəsizliklər” unudulmayacaq, seçicilər hətta növbəti seçkilərdə belə onlara etimad göstərməyəcək.

Onlayn səsverməyə müdaxilə edənlər təkcə saxtakar və ağılsız yox, həm də savadsızdırlar. Çünki həmin səsvermənin yuxarı hissəsində saxta səslərin sistemdən silinəcəyi qeyd edilib və silinir də!

Təsəvvür edin, onlayn səsvermə prosesini izləyirik: gecə saatlarında bir anda səs faizi 10-15 min artır. Bu, necə mümkün ola bilər? Təbii ki, saxtakarlıq yolu ilə.

Və həmin səslər bir neçə saatdan sonra silinir. Və...

Bu adamlar saxta səslərin silindiyini görür, bilir, amma yenə haker vasitəsilə səs saxtalaşdırırlar.

Bu qədər həyasızlığı kim təsəvvür edə bilər?

Onlar yenə saxtakarlıq edəcəklər və xalq bu adamları yenə seçməyəcək.

Çünki xalqın hətta onlayn səsini belə oğurlamağa çalışmaq ona xəyanətdir.

Ümid edir və inanırıq ki, fevralın 9-da seçki qutuları açılacaq və oradan “siçovul başlı insan bədənli namizədlər” çıxmayacaq.

Tarix
2020.01.23 / 13:32
Müəllif
Şeyx Teymur
Şərhlər
Digər xəbərlər

Növbəti "Denis" fəlakəti: 130 nəfər təxliyə edildi

Bakıda dəhşətli qəza ölümlə nəticələndi

İmişlidə "Mersedes" motosikletlə toqquşdu: ölən var

Şəmkirdə ağır qəza: 3 nəfər öldü

Prospektdə qəza tıxaca səbəb oldu

Azərbaycanda növbəti zəlzələ...

Narkotik maddəni balonlarda saxlayan şəxs ələ keçdi - Foto

Lənkəranda zəlzələ oldu

Bakıda 61 yaşlı qadın itkin düşdü - Foto

Bakı ən romantik şəhərlər siyahısında

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla