Yuxarı

Şok: Şəmkirdə qəribə varlıqlar gecə yanğın törədir?

Ana səhifə Hadisə
12 Punto 14 Punto 16 Punto 18 Punto

Şəmkirin Zəyəm Cırdaxan kəndinin sakinləri artıq 10 gündür təşviş içərisindədirlər. Buna səbəb kənddə gecələr evlərə, tövlələrə od vurulmasıdır.

Axar.az xəbər verir ki, bu barədə Virtualaz.org-a kənd sakinlərindən biri danışıb. Onun sözlərinə görə, kənd hazırda polis nəzarətindədir, son bir neçə gündə yanğın qeydə alınmayıb. Buna baxmayaraq sakinlər gecələr yatmırlar, növbə çəkirlər. Hadisəni törədən şəxs və ya şəxslər isə tutulmayıb.

“Bizim kəndin 10 min əhalisi var. Qəribədir ki, yanğınlar müxtəlif ərazilərdə, kəndin girişində, ortasında, yuxarı ərazidə olub. Sakinlərin qış üçün ot tədarükü yandırılıb, elə ot tayalarına nə qədər pul verilmişdi. Doğrusu, hərə bir fərziyə irəli sürür, hətta hadisənin qəribə məxluqlar tərəfindən törədildiyinə inananlar da var. Deyirlər ki, bir neçə nəfərin evi yandırılıb. Polislər araşdırma aparırlar, gecələr ərazilərdə gəzib nəzarət edirlər”, - sakin deyib.

Onun bildirdiyinə görə, əvvəllər nə Zəyəm Cırdaxan, nə də yaxın kəndlərdə bu cür hadisələr olub. Hadisənin gecələr törədilməsi kəndlilər arasında qorxu yaradıb.

Şəmkir Rayon İcra Hakimiyyətinin nümayəndələri də kəndə gəlib, baş verənlərlə maraqlanıblar. Təxminən 1 həftə əvvəl kənd icra nümayəndəsi işdən çıxıb, yerinə yeni təyinat olub: "Jurnalistlər də çəkiliş etdilər. Kənd yeridir, fərziyələr dolaşdıqca kəndlilərin narahatlıqları da artır”.

Kimliyi bilinməyən şəxs və ya şəxslər Nargilə Əhmədovanın da həyətindəki evə və tövləyə od vurublar. “Gecə təxminən saat iki olardı. Nəvəm məni yuxudan oyatdı ki, evimiz yanır. Baxdım ki, evin yol tərəfdəki hissəsi alovlanıb. Həyətdə tövlə və kiçik daxma da vardı, hamısı yandı. İçərisindəki un və taxılın hamısı kül oldu. Bu, artıq kənddə dördüncü yanğın hadisəsidir”, – deyə o əlavə edib.

Sakinlər deyirlər ki, son vaxtlar ayrı-ayrı günlərdə kənddə 4 evə, həmçinin bir neçə tövlə və ot tayasına od vurulub.

Kəndin yeni icra nümayəndəsi İsmayıl Burciyev bildirib ki, hazırda araşdırma gedir:

“Evlər yox, 2-3 əl damı, tövlələr, ot tayaları yandırılıb. 10 gündür yanğın yoxdur, sakitçilikdir. Amma kənd yeridir, bir az şıqqıltı olan kimi sakinlər təşvişə düşürlər, narahat olurlar”.

İcra nümayəndəsi yanğın nəticəsində dəymiş zərərin həcmindən xəbərsiz olduğunu bildirib.

Şəmkir Rayon İcra Hakimiyyətindən məsələyə münasibət bildirməyiblər.

Ərazi üzrə polis bölməsindən isə deyiblər ki, kəndə nəzarət edilir, hələlik saxlanılan yoxdur.

Tarix
2020.09.15 / 22:46
Müəllif
Axar.az
Şərhlər
Digər xəbərlər

Ermənistan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla