2025.06.16, 22:54

İyunun 16-da axşam radələrində Zaqatalanın Muxax kəndi ərazisində azyaşlı "Kamaz" markalı yük avtomobilinin altında qalıb.

Axar.az xəbər verir ki, hadisə nəticəsində Muxax kənd sakini, 5 yaşlı Elman Sulxayev müxtəlif dərəcəli bədən xəsarətləri ilə Təcili Tibbi Yardım bölməsinə daxil olub.

Elman Sulxayevə ilkin tibbi yardım göstəriləndən sonra o, xəstəxananın cərrahiyyə şöbəsinə yönləndirilsə də, həkimlərin səyinə baxmayaraq, həyatını xilas etmək mümkün olmayıb.

Baş vermiş hadisə ilə bağlı rayon polis şöbəsində araşdırma başlanılıb.

Lent.az-ın yazdığına görə, dünyasını dəyişən Elman rayon Polis Şöbəsinin əməkdaşı Məcid Şeyxəliyevin oğludur.