Beyləqanda bir müddət əvvəl restoranda təmir işləri aparan zaman hündürlükdən yıxılan ustalardan biri ölüb, digərinin vəziyyəti ağırdır.

Axar.az-ın Teleqraf-a istinadən xəbərinə görə, ötən ayın 28-də Beyləqanda yerləşən "Kral" şadlıq sarayında təmir işləri aparan zaman iki usta - Elşən Şahmatı oğlu Cəfərov və Rauf Ərşad oğlu Süleymanov ağır xəsarət alıb.

Onlar Beyləqan Mərkəzi Rayon Xəstəxanasına çatdırılıblar.

Xəstəxanada üç gün müalicə aldıqdan sonra Elşən Cəfərov Neyrocərrahiyyə Xəstəxanasına göndərilib və orada əməliyyat edilib.

Əməliyyat olunaz E.Cəfərov bu gün xəstəxanada həyatını itirib.

Hadisə zamanı xəsarət alan Rauf Süleymanovun hazırda müalicəsi rayon xəstəxanasında davam etdirilir.

Faktla bağlı cinayət işi açılıb, araşdırma davam edir.