Baş məşqçimiz dediyi kimi, bizim oyuna hazırlaşmağa vaxtımız az oldu. Amma istənilən halda bu oyuna hazırıq. Çünki hamımızın arzusu idi ki, belə yarışda iştirak edək. Nəhayət istəyimizə çatmışıq. Məsuliyyətli olmalıyıq. Ümid edirəm ki, ən yaxşı oyunlarımızdan birini göstərəcəyik.

Axar.az xəbər verir ki, bu sözləri "Qarabağ"ın futbolçusu Kadi Borges UEFA Çempionlar Liqasının Liqa mərhələsinin ilk turunda sabah Portuqaliyada "Benfika" ilə keçiriləcək oyun üçün təşkil edilən mətbuat konfransında deyib.

“Həmişə demişəm ki, mənim üçün ən önəmli matç növbəti oyundur. Təbii ki, bu yarışın böyüklüyünü nəzərə alsaq, siz deyən kimi düşünmək olar. “Benfika” çox böyük klubdur və heyətində dünya səviyyəli futbolçular var. Buna baxmayaraq, onların oyununu yaxşı analiz etmişik”, - Kadi söyləyib.

Qeyd edək ki, “Benfika” - “Qarabağ” oyunu bu gün keçiriləcək və Bakı vaxt ilə saat 23:00-da başlanacaq.