Türkiyənin TRT kanalı “Qarabağ” komandasının UEFA Çempionlar Liqasındakı növbəti oyununu da diqqət mərkəzində saxlayır.

Axar.az Qol.az-a istinadən xəbər verir ki, qardaş ölkənin dövlət kanalı noyabrın 5-də “Qarabağ”ın “Çelsi” ilə oyununu canlı yayımla nümayiş etdirəcək. Amma bu, son deyil.

“Kopenhagen”lə matçda olduğu kimi, “Çelsi” ilə görüş üçün də “TRT Spor”un jurnalist və ekspertləri Bakıya gələcək, oyundan əvvəl və sonra Tofiq Bəhramov adına Respublika stadionundan canlı reportaj edəcək, müsahibələr edəcək.

Qeyd edək ki, TRT adətən Türkiyənin öz klublarının oyunlarını bu şəkildə yaxından işıqlandırır.