Türkiyəli aktyor Burak Özçivit bu dəfə çəkildiyi seriallarla deyil, etdiyi daşınmaz əmlak yatırımı ilə gündəmə gəlib. İddialara görə, aktyor İstanbulun Əyyubsultan rayonundan ümumi dəyəri 150 milyon TL olan 30 mənzil satın alıb.

Axar.az Milli.az-a istinadən xəbər verir ki, uzun illər "Quruluş Osman" serialında Osman bəy xarakterini canlandıran Özçivit qazancını daşınmaz əmlaka yatırmağa davam edir. Onun bir layihədən eyni anda 30 mənzil aldığı bildirilir.

Lakin hələlik aktyor tərəfindən rəsmi bir açıqlama verilməyib.

Özçivit daha əvvəl də lüks avtomobilləri, reklam müqavilələri və xaricdəki fan-görüşlərindən əldə etdiyi yüksək qazanclarla gündəmə gəlmişdi.