Ukraynalı futbolçu Vyaçeslav Şarpar 39 yaşında vəfat edib.

Axar.az Globalinfo.az-a istinadla xəbər verir ki, 2 iyunda ad gününü qeyd edən oyunçu eyni tarixdə Yunanıstanın Lutraki şəhəri sahillərində dənizdə boğulub. Onun cəsədi iyunun 11-də tapılıb.

Məlumata görə, futbolçunun dörd övladı var.

Qeyd edək ki, Vyaçeslav Şarpar Ukraynanın “Volın”, “Vorskla”, “Arsenal Kiyev”, “Metallist” və “Metalurh” kimi komandalarında oynayıb.

O, həmçinin Moldovada “Şerif” və Latviyanın “Riqa” klublarında oynayıb və yerli çempionluğu qazanıb. Şarparın yeganə beynəlxalq oyunu 2007-ci ildə iki oyun keçirən Ukraynanın gənclər komandasında olub.