Özbəkistan milli komandasının yarımmüdafiəçisi Abbasbek Fayzullayev XXI əsrdə dünya çempionatlarında başla qol vuran ən qısaboylu futbolçu kimi unikal rekorda imza ataraq adını tarixə yazdırıb.

Axar.az oxu.az-a istinadən xəbər verir ki, boyu cəmi 167 santimetr olan 22 yaşlı gənc istedad DÇ-2026-nın qrup mərhələsi çərçivəsində Kolumbiya ilə keçirilən gərgin qarşılaşmada (1:3) Özbəkistan yığmasının yeganə qolunun müəllifi olub.

Məhz bu dəqiq baş zərbəsi sayəsində yarımmüdafiəçi daha öncə uruqvaylı Corcian de Arraskaetaya (boyu 173 sm) məxsus olan əvvəlki rekordu yeniləyib.

Qeyd edək ki, Arraskaeta öz rekordunu DÇ-2022-də Qana yığmasının qapısına başla yol taparaq müəyyənləşdirmişdi.