Türkiyə Super Liqasında bu il sürpriz nəticələrə imza atan "Qaziantep" klubunun baş məşqçisi Maruis Sumudika postunu tərk edib.

Axar.az xəbər verir ki, bu barədə "Qaziantep" klubu məlumat yayıb.

Onun məşqçilikdən uzaqlaşdırılmasına səbəb kimi son vaxtlar mediada klubun mənafeyinə zidd açıqlamalar verməsi göstərilib. Bildirilir ki, klub rəhbərliyi ondan maaşında 10% endirim tələb edib. Sumudika isə "həyat yoldaşıma deyəcəm, kluba maddi dəstək olacaq" deyib.

Qeyd edək ki, "Qaziantep" klubu hazırda liqada 31 xala malikdir və lider "Beşiktaş"dan cəmi 3 xal geri qalır. Komanda bu mövsüm Sumudikanın rəhbərliyi altında liqanın güclü komandalarını məğlub etmişdi.