Bu gün Gürcüstan paytaxtında futbol üzrə Avropa nəhənginin adı məlum olacaq.

Axar.az xəbər verir ki, Çempionlar Liqasının son qalibi "Barselona" ilə Avropa Liqasını qazanan "Sevilya" Avropa Superkubokunda üz-üzə gələcəklər.

Bütün dünyanın diqqəti Gürcüstanın paytaxtı Tiflisdəki "Dinamo Arena"ya yönələcək.

Artıq "Barsa"nın argentinalı ulduzu Lioenal Messinin Tiflis hava limanından fotosu da yayılıb.

1972-ci ildən bəri keçirilən Avropa Superkubokunu ən çox "Milan" qazanıb – 5 dəfə. Ancaq "Barselona" italyanlara çata bilər.

Belə ki, katalonlar qalib gələcəyi təqdirdə 5-ci dəfə kuboku müzeylərinə aparacaqlar. "Sevilya" isə tarixi ərzində 4-cü dəfə Superkubok matçına çıxacaq.