01:33

Avropa Liqasında pley-off mərhələsinin cavab oyunları çərçivəsində hazırda keçirilən "Anderlext" - "Fənərbağça" oyunu yarımçıq dayandırılıb.

Axar.az Qol.az-a istinadən xəbər verir ki, buna səbəb Belçika təmsilçisinin azarkeşlərinin İstanbul klubunun fanatlarına hücum etməsi olub. Həmçinin onlar irqçi şüarlar səsləndiriblər.

Nəticədə görüş "Fənərbağça"nın hesabda 1:0 öndə olduğu vaxt - 6-cı dəqiqədə dayandırılıb. Futbolçular və hakimlər paltardəyişmə otağına yollanıblar.

Görüş qısa müddət sonra davam edib.

Xatırladaq ki, bu komandalar arasındakı ilk oyun "Fənərbağça"nın 3:0 hesablı qələbəsi ilə yekunlaşıb.

***

Oyun 2:2 hesabı ilə yekunlaşıb. İki oyunun nəticəsinə əsasən, "Fənərbağça" növbəti tura yüksəlib.