Əlbəttə, biz müttəfiq olaraq qalırıq, lakin dəstəyimiz düzgün istiqamətdə hərəkət edib-etməməyimizdən asılıdır.

Axar.az xəbər verir ki, bunu ABŞ vitse-prezidenti Ceyms Devid Vens Almaniya ilə münasibətlərdən danışarkən deyib.

Vens ABŞ-ın Almaniyadakı hərbi mövcudluğunu söz azadlığı ilə əlaqələndirib:

“Amerikalı vergi ödəyicisi Almaniyanın müdafiəsini maliyyələşdirir. Kimsə inanırmı ki, əgər almanları qəddar tvitə görə həbs edirlərsə, onlar (ABŞ vergi ödəyiciləri - red.) bu maliyələşməni davam etdirəcəklər?”

Qeyd edək ki, bundan əvvəl Münhen Təhlükəsizlik Konfransında Vens Avropanı senzura və miqrasiya siyasətindəki uğursuzluğa görə tənqid etmişdi.