Axar.az
Yuxarı

Kənd təsərrüfatı məhsulları niyə sığortalanmır? - Ekspert

Ana səhifə İqtisadiyyat
12 Punto 14 Punto 16 Punto 18 Punto

"Statistik məlumatlara görə, bu gün ölkəmizdə kənd təsərrüfatının cəmi 0,6 faizi sığortalanıb".

Bunu Axar.az-a kənd təsərrüfatı məhsullarının sığortalanmasındakı problemləri şərh edən ekspert Vahid Məhərrəmov bildirdi:

"Biz hər zaman demişik ki, bu məsələdə əsas inam artırmaq lazımdır. Azərbaycanda reallıq budur ki, kim güclüdür, o da qalib gəlir. Burda güc maliyyə, hüquqi üstünlük anlamında gedir. Təəssüflər olsun ki, sığorta haqqında qanun Azərbaycan reallığına uyğun deyil. Bu qanun xarici ölkələrdən götürülüb tərcümə edilib və Azərbaycan reallığı nəzərə alınmayıb. Hesab edirəm ki, bu məsələlərlə bağlı qanun və qaydalar tam dəqiq müəyyən edilməlidir, çünki Azərbaycan fermerlərinin həm hüquqi, həm də iqtisadi bilgisi çox zəifdir. Hesab edirəm ki, qaydalarda həm sığorta şirkətinin, həm də fermerin hüquq və vəzifələri aydın göstərilməlidir".

Ekspert hesab edir ki, qanunda hüquq və vəzifələrin konkret müəyyən edilməsi sığortalı ilə sığortaçı arasındakı narazılığın aradan qaldırılması ilə nəticələnə bilər:

"İstənilən halda sığorta şirkəti çalışır ki, daha az maliyyə vəsaiti ödəsin və bunun üçün sığorta hadisəsini yaranmış iqlim şəraiti, yaxud hər hansı bu kimi problemlərlə bağlayırlar. Bu zaman isə təqsiri fermerdə görürlər. Fermerlərin lazım olan sənədlərin vaxtında toplanması və əgər məhkəmə olarsa, faktı məhkəmədə sübut etmək üçün əlində dəlilin olması vacibdir. Statistik məlumatlara görə, bu gün ölkəmizdə kənd təsərrüfatının cəmi 0,6 faizi sığortalanıb. Bu da kredit əldə etmək üçün bankların qoyduğu tələblərə əməl etmək naminə edilən sığortalardı. Bunlar bir daha göstərir ki, ölkədə sığortaya inam yoxdur".

Dövlət işə əl qoymalıdır

Əslən Salyandan olan fermer Elçin Əzizov da bu sahənin sığortalanması problemini kütlənin inamısızlığında görür:

"Bu məsələdə hər şeyi inam həll edir. Vətəndaşların sığorta şirkətlərinə inamı qalmayıb. Çünki hər gün sığorta hadisələri ilə bağlı problemlə ya qarşılaşırlar, ya da bu barədə eşidirlər. Vətəndaş da görür ki, avtomobili sığortalanan insanlar hadisə olan zaman pullarını özəl sığorta şirkətlərindən ala bilmirlər. Düşünürəm ki, məhz buna görə regionlarda yaşayan əhali əkdiyi məhsulun sığortlanamasında o qədər də maraqlı olmayacaq".

Fermer kənd təsərrüfati məhsullarının sığortalanmasında dövlətin əməli addımlar atmasını istəyir:

"Açığını deyim ki, vətəndaş özəl sığorta şirkətlərinə inanmır. Əgər dövlət bu işin məsuliyyətini öz üzərinə götürməsə, həmin ideyanın gerçəkləşməsi də qeyri-mümkündür. Vətəndaş bilsə ki, ona dəymiş ziyan bu və ya başqa yolla dövlət tərəfindən ödəniləcək, o zaman sığorta əməliyyatının baş tutmasına da razı olar. Bir tərəfdən də dövləti də qınamaq olmaz. Dövlət bütün işlərə nəzarət edə bilməz. Amma hesab edirəm ki, bu məsələnin daha effektiv həlli yolu var".

Xatırladaq ki, kənd təsərrüfatının sığortalanması ilə bağlı təkliflər hələ 2008-ci ildən irəli sürülüb. Maliyyə Nazirliyi bu sahədəki problemlərin tezliklə aradan qaldırılacağını desə də, bu problem hələ ki, həll edilməmiş qalır.

Tarix
2014.06.04 / 23:52
Müəllif
Tural İbadov
Şərhlər
Digər xəbərlər

Büdcədə nə qədər qalıq yaranıb?

Neft bahalaşdı

Avropada qazın qiyməti rekord həddə çatdı

Mərkəzi Bank İH-nin sabiq üzvləri işdən çıxarıldı

İran bu bazar uğrunda Rusiya ilə “döyüşür”

Sahibkarlar üçün Mobil POS-da əməliyyatlar komissiyasızdır

Neft həftəyə bu qiymətlə başladı

BTC ilə nəql olunan neftin həcmi açıqlandı

Bakı neftinin qiyməti 125 dolları keçdi

ABB İM-in daha 10 startapı investorlara təqdim edildi

KULT
<>
Xəbər xətti
Axar.az'da reklam Bağla
Reklam
Bize yazin Bağla