Koronavirusun minimal təsirinə məruz qalan və ya heç təsir etmədiyi sektorlar rabitə və maliyyə, bank və sığorta sektorlarıdır.

Axar.az xəbər verir ki, bu sözləri İqtisadiyyat naziri Mikayıl Cabbarov AzTV-yə müsahibəsində bildirib.

Nazir buna səbəb kimi bu sektorun işçilərinin aldığı yüksək əmək haqqını göstərib:

“Burada biz işçinin real maaşını və ya orta aylıq əmək haqqını maksimal hədd olaraq götürürük. Həmrəylik konsepsiyasından çıxış edərək yüksək əmək haqqı alan işçilərin dəstəyə ehtiyacının digərlərinə nisbətən daha fərqli olduğunu etiraf etməliyik. Bu istiqamətdə əsas baxış bucağımız minimal təsir və yaxud təsirsiz ötüşmədir”.