Axar.az
Yuxarı

Axar.Az Logo

Dünya neftdən imtina edib dollara üz tutur – Asılılıq

Ana səhifə İqtisadiyyat
12 Punto 14 Punto 16 Punto 18 Punto

"Ötən ildən başlayaraq dollar dünyanın ən güclü valyutalarına nisbətdə güclənməyə başlayıb".

Bu sözləri Axar.az-a açıqlamasında iqtisadçı ekspert Samir Əliyev dolların digər bütün valyutalara nisbətdə sürətlə bahalaşmasına münasibət bildirərkən deyib. Onun sözlərinə görə, nə qədər ki neft bazarında artım müşahidə edilməyib, dolların bahalaşması davam edəcək:

"Bahalaşma bu il də davam edir. Sadəcə olaraq martın ortalarından başlayan yüngülvari ucuzlaşmanın səbəbi ABŞ Mərkəzi Bankının dolların kreditdə uçot dərəcəsini qaldırmasını gözləməsi ilə bağlı idi. Əgər uçot dərəcəsi artırılsaydı, dolları daha da bahalaşacaqdı. Ancaq bu addımı atmadılar. Hesab etdilər ki, dolların bahalaşması ölkə iqtisadiyyatı üçün problem yarada bilər. Ona görə də qərar ertələndi. Ancaq sonradan dollar yenidən qalxdı. Hazırda dolların bahalaşmasının səbəbi Amerika iqtisadiyyatının xeyli sürətlə inkişaf etməsidir. İqtisadi artım kifayət qədər yüksəlib, büdcə kəsiri azaldılıb. Ancaq bunun fonunda Avropa iqtisadiyyatının tənəzzülünü, Çinin problemlərinin qabarmasını müşahidə edirik. Dolların bahalaşmasında ən əsas səbəb dünya bazarında neftin ucuzlaşmasıdır. Neft ucuzlaşdığına görə dollara tələbat artır və bahalaşma baş verir. Dollar hələ ki üstün mövqeyini saxlayacaq. Nə qədər ki, neft bazarında artımı müşahidə edilməyib, dollara tələbatın yüksək olduğunu müşahidə edəcəyik".

İqtisadçı dolların bahalaşmasında əsas rol oynayan neftin ucuzlaşması amilinə də aydınlıq gətirib:

"ABŞ hazırda dünyanın əsas neft istehsal edən ölkələrindən birinə çevrilib. İxrac etməsə, daxili tələbat üçün neft istehsal edir. Buna görə xaricdən neft almır və ölkəyə kifayət qədər gəlir daxil olur. Bu da öz növbəsində ölkə valyutasını gücləndirir. Başqa bir tərəfdən isə dollar ehtiyat-rezerv, yəni yığım valyutasıdır. Ümumiyyətlə, dünya rezerv ehtiyatlarının təxminən 65-70 faizi dollarladır. Bu illər üzrə dəyişsə də, interval olduğu kimi qalır. Bir müddət öncə dollar ucuzlaşdığına görə ondan imtina edilirdi. Ancaq indi neftin ucuzlaşması və valyutanın bahalaşması fonunda dollar almağa başlanılıb. Ona görə də neft ucuzlaşdıqca investorlar ehtiyatlarını qorumaq üçün alternativ mənbə axtarırlar. Bu alternativ mənbə isə dollardır. Bu halda neftdən imtina edərək dollara üz tuturlar. Buna görə də neftin qiyməti ilə dollar, eyni zamanda, qızılın qiyməti ilə dollar arasında hər zaman asılılıq var".

Tarix
2015.04.10 / 09:10
Müəllif
Aygün Yusibova
Şərhlər
Digər xəbərlər

Neft həftəni bu qiymətlə yekunlaşdırdı

Cabbarov Yevlax və Mingəçevirə getdi

Azərbaycanda “EY İlin İş Adamı” müsabiqəsinin qalibi elan edildi

Neft bahalaşdı

Dolların bu günə olan məzənnəsi

Ölkədən qanunsuz pul çıxarılması... - MB

Rayonlarda kredit faizləri Bakıdan 2 dəfədən çoxdur

Nazir vergilərdən danışdı

Kapital Bankın bu kart sahibləri əlavə keşbek qazanacaqlar!

Dolların bu günə olan məzənnəsi

KULT
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla