Azərbaycan Respublikası Mərkəzi Bankının İdarə Heyətinin 27 yanvar 2016-cı il tarixli, 07/1 və 07/3 nömrəli qərarları ilə məcmu kapitalın minimum məbləği tələbinə əməl etmədiyinə, kreditorları qarşısında öhdəliklərini icra edə bilmədiyinə, cari fəaliyyətini etibarlı və prudensial qaydada idarə etmədiyinə görə Qafqaz İnkişaf Bankı ASC və Atrabank ASC-nin bank lisenziyaları ləğv edilib. "Banklar haqqında" Azərbaycan Respublikası Qanununun 51-ci və 52-ci maddələrinə uyğun olaraq 27.01.2016-cı il tarixdən banklara müvəqqəti inzibatçı təyin edilib.

Mərkəzi Bankdan Axar.az-a verilən məlumata görə, Qafqaz İnkişaf Bankı ASC və Atrabank ASC Əmanətlərin Siğortalanması Fonduna üzv banklardır və Fond tərəfindən əhalinin qorunan əmanətləri üzrə qanunvericiliyə müvafiq olaraq kompensasiyaların ödənişi həyata keçiriləcək.

Qeyd edək ki, bundan əvvəl də "Bank of Azerbaijan" "Yunayted Kredit Bank" və "NBCBank"-ın bankın lisenziyaları ləğv edilmişdi. "AGBank" və "DəmirBank" isə birləşmişdi.