Cənubi Asiyanın ən əhəmiyyətli ədəbiyyat müsabiqəsi olan DSC Ədəbiyyat Mükafatının namizədlərinin adı bəlli olub.

Axar.az Röyter Xəbər Agentliyinə istinadən xəbər verir ki, bu ilin favoriti "Pulitzer" ədəbiyyat mükafatının sahibi Cumpa Lahiridir.

Siyahının ən güclüsü hesab olunan hind əsilli amerikan yazar Cumpa Lahiri 2000-ci ildə "Pulitzer" ədəbiyyat mükafatını qazanıb, 2013-cü ildə isə "Buker" mükafatına namizəd olub.

Lahirinin də arasında olduğu DSC finalına qalan beş namizəddən biri 50 min dollarlıq mükafatın sahibi olacaq. Ən çox oxunan romanı "Ovalıq" ("The Lowland") ilə namizədlər arasına düşən Lahiri kitabında 1960-cı illərdə yaşayan iki hindli kommunist qardaşın həyatından bəhs edir.

Müsabiqənin finalçılarının siyahısı:

1. Bilal Tanver
2. Cumpa Lahiri
3. Kamila Şəmsi
4. Rumeş Gunesekara
5. Şamsur Rahman Faruqi

Xatırladaq ki, "Və dağlardan səda gəldi" romanı ilə müsabiqənin uzun siyahısına düşən dünya şöhrətli yazar Xalid Hüseyni qısa siyahıya düşməyib.