Rusiya Xarici Kəşfiyyat Xidmətinin direktoru Sergey Narışkin Bakıda Suriya xüsusi xidmət orqanlarının nümayəndələri ilə görüşüb.

Axar.az xəbər verir ki, bu barədə Narışkin TASS-a müsahibəsində deyib.

“Ötən həftə Bakıda Yaxın Şərq və Böyük Avrasiya ölkələrinin rəhbərləri və ya yüksək səviyyəli nümayəndələri iştirak etdiyi Əfqanıstanla bağlı konfrans keçirildi. Suriya xüsusi xidmət orqanlarının rəhbərlərindən biri də orda idi. Və onunla məzmunca kifayət qədər konstruktiv və dostluq şəraitində keçən görüş baş tutdu”, - Narışkin bildirib.

Hələlik Suriya tərəfi bu xəbərə və görüşə münasibət bildirməyib.

Qeyd edək ki, Bakıda 17-18 aprel tarixlərində “Əfqanıstan: Regional Əlaqələr, Təhlükəsizlik və İnkişaf” konfransı keçirilib.