Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
25 May 2020


ADU-da onlayn xəttatlıq müsabiqəsi elan edildi

Ana səhifə Kult
12 Punto 14 Punto 16 Punto 18 Punto

Azərbaycan Dillər Universitetinin (ADU) nəzdində fəaliyyət göstərən Konfutsi İnstitutu koronavirus infeksiyasının (COVİD-19) yayılmasının qarşısının alınması və sosial təcridin gücləndirilməsi ilə əlaqədar Azərbaycanda müəyyən edilmiş xüsusi karantin rejimini nəzərə alaraq, bütün fəaliyyəti onlayn sistemdə təşkil edib.

ADU-dan Kult.az-a verilən məlumata görə, Konfutsi İnstitutunun direktoru Rafiq Abbasovun qeyd edib ki, hələ bu ilin fevral ayında institutun əməkdaşları ADU-nun tələbələri və Sumqayıt "Dünya Məktəbi"nin tələbələri ilə seminarlar keçirmiş, Çində koronavirus epidemiyasından danışaraq, Çin xalqı ilə həmrəylik ifadə edən “Uxan, biz səninləyik!”, “Siz bunun öhdəsindən gələcəksiz!” və “Möhkəm ol, Çin!” adlı video müraciətlər hazırlayıblar:

“Heydər Əliyev Fondunun vitse-prezidenti Leyla Əliyevanın təşəbbüsü ilə ADU-nun Konfutsi İnstitutu və Pekin Xarici Dillər Universitetinin təşkilatçılığı ilə Azərbaycan Dövlət İqtisad Universitetində fəaliyyət göstərən distant Çin dili kursları da öz işini davam etdirir. Biz ADU tələbələri və institutun kurslarının dinləyiciləri üçün Çin dilinin distant tədrisini uğurla həyata keçiririk. ADU-nun Konfutsi İnstitutu Çin dilinin Xaricdə yayılması üzrə Dövlət Dəftərxanası tərəfindən keçirilən ÇXR hökuməti yanında Dünya Konfutsi İnstitutlarının koronovirus epidemiyası şəraitində işinin optimallaşdırılması və Çin mədəniyyətinin öyrənilməsində tövsiyələrin işlənib hazırlanmasına dair sorğuda da fəal iştirak edib. ADU-nun Konfutsi İnstitutu Çin tərəfdaşı olan Xuçjou Universiteti ilə birlikdə ADU-nun Çin dili kursu üçün onlayn-tədris rejimində proqram, metodik materiallar və videodərslərin ssenarilərinin işlənib hazırlanmasına başlayıb.

Aprelin 4-də, Çində keçirilən Milli anım günündə yeni COVİD – 19 koronavirus pandemiyasına qarşı mübarizədə həlak olanların və bu xəstəlikdən vəfat etmiş soydaşlarımızın xatirəsini universitetimizin çinşünas tələbələri sükutla yad ediblər”.

R. Abbasov Azərbaycan Respublikasının Prezidenti İlham Əliyevin Tibbi maska istehsalı müəssisəsinin açılışında milli birlik və milli həmrəylik nümayiş etdirməklə yanaşı, məsuliyyət də nümayiş etdirməyin zəruriliyi barədə Azərbaycan xalqına müraciətini də xatırladıb. R. Abbasov Çin dili, mədəniyyəti və xəttatlığı ilə maraqlanan hər kəsi Həmrəy olaq və gələcəyə inamla baxaq (团结一致向前看) devizi altında onlayn xəttatlıq müsabiqəsində iştirak etməyə dəvət edib.

Müsabiqədə iştirak etmək üçün çenyu - dostluq və qarşılıqlı yardıma həsr edilmiş Çin atalar sözlərindən birini seçmək və onları qələm və ya fırçayla yazmaq lazımdır. Sonra xəttatlıq işinin şəklini çəkib və ya skan edib, müəllifin təhsil yeri, adı və soyadını göstərərək ADU Konfutsi İnstitutunun elektron ünvanına (rafabba@yandex.ru) göndərmək lazımdır.

İşlər 1 may 2020-ci il tarixinədək qəbul ediləcək. Ən yaxşı xəttatlıq işləri diplom və hədiyyələrlə təltif olunacaq.

Tarix
2020.04.09 / 00:20
Müəllif
Kult.az
Şərhlər
Digər xəbərlər

Əmir Teymurun başına bəla olan Azərbaycan şahı

Pulla fəxri ad alanlar... – Deputatlar danışdı

Xalq artistinin paylaşdığı foto narahatlıq yaratdı

Xalq artistinə yüksək vəzifə verildi - Foto

Qadınlar yazacaq, Ərdoğan oxuyacaq - Müsabiqə

Speys TV-nin yayımı dayandırılır - MTRŞ

Nazim Hüseynov şuraya rəhbər seçildi

Bağırovun Mikoyana məktubu: Nələr yazır?

Zeynəb xanım danışdı və oxudu - Video

Atatürkün nadir kadrları: öz səsi ilə... – Video

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla