Ana səhifə Kult |
Boko Haram terror təşkilatından bəziləri ailələri ilə, bəziləri də tək başına qaçan uşaqlar, qonşu Çadda yerləşən BMT-nin mühacir düşərgəsində yaddaşlarında qalanları rəsmə köçürüblər.
Axar.az xəbər verir ki, Nigeriya sərhədindəki Çad gölündən 10 kilometr uzaqda yerləşən Dar-əs Salam düşərgəsində yaşayan təxminən 800 nigeriyalı uşaq çəkdikləri rəsmlərlə Boko Haramın kəndlərinə basqın etdiyi vaxt yaşadıqlarını izah etməyə çalışıb.
Uşaqlardan biri, 15 yaşlı Sumaila Əhməd Boko Haramın kəndlərinə gəlib hücum etdiyi vaxt evlərinin qarşısında dayandıqlarını Boko Haram yaraqlılarının çay ətrafına gələrək orada dayanan hər kəsi başından güllələdiyini çəkdiyi rəsmlə izah etməyə çalışıb.
Düşərgədəki digər uşaq isə rəsmdə evini təmir etdiyi vaxt bayırdan silah səsləri eşidib nə baş verdiyini anlamaq üçün çıxanda Boko Haram yaraqlısı tərəfindən öldürülən adamın rəsmi çəkib.
UNİCEF yanvar ayında düşərgədə qurduğu səkkizinci çadırda "Fövqəladə hal məktəblərində" uşaqlara təhsil verilməyə çalışır.
Düşərgə işçiləri, uşaqların daha əvvəl məktəbə dair heç bir şey bilmədiklərini və hətta çoxunun indiyə qədər qələm belə tutmadıqlarını bildirib. Düşərgədə 20 yaşları olub oxuma-yazma bilməyən gənclərin də təhsil aldıqları bildirilib.
Tarix
2015.04.14 / 00:43
|
Müəllif
Nigar An
|