Yuxarı

Türk rejissor skandaldan xəbərsizmiş – Foto

Ana səhifə Kult
12 Punto 14 Punto 16 Punto 18 Punto

Dünən "28 Cinema"da Çanaqqala zəfərinə həsr olunmuş "Son məktub" filminin təqdimatında filmin rejissoru Özhan Ərən jurnalistlərin suallarını cavablandırıb.

Axar.az-ın rejissorla qısa müsahibəsini təqdim edirik:

- Özhan bəy, "Son məktub" Türkiyə kino tarixinin ən bahalı filmidir. Maliyyəni hökumət ayırıb?

- Türkiyə Mədəniyyət Nazirliyi bir qədər kömək edib, bir az sponsorların maliyyəsi var, geri qalan hissəni də öz firmamız ödəyib.

- Nəsrin Cavadzadəni filmə necə dəvət etdiniz?

- Biz həm aktyorları, həm çəkiliş heyətini seçərkən, birinci qayda olaraq yaxşı, əxlaqlı, sözünə güvənilir insanları ətrafımıza toplayırıq. Nəsrin Cavadzadə bizim filmimizə qədər 9 filmdə çəkilib, Türkiyədə 2 "Qızıl Portağal"ı olan aktrisadır. "Qızıl Portağal" Türkiyənin ən prestijli mükafatıdır. Nəsrin kinoda işini çox ciddiyyətlə, çox sevərək görən və bunun öhdəsindən gələn tək-tük aktrisalardandır.

- İstanbul Film Festivalında kürdlər haqqında çəkilən "Bakur" (Şimal) sənədli filminin nümayişinə qadağa qoyulmasından sonra bəzi rejissorların filmlərini festivaldan geri çəkmələrinə münasibətiniz?

- Bu haqda heç bir məlumatım yoxdur, indi sizdən eşidirəm. Filmlər təbii ki, yasaqlanmamalıdır. Amma bir tərəfdən də dünyanın bütün yerlərində bəlli qadağalar var. İstədiyiniz filmi çəkə bilməzsiniz, Amerikada da elədir, Avropada da elədir, Azərbaycanda da yəqin ki, belədir. Önəmli olan haqsızlığın olmamasıdır. Haqsızlıq edilibsə, filmlərini geri çəkən rejissorlar göydən-yerə qədər haqlıdırlar. Haqsızlıq yoxsa, qanuni bir məcburiyyət varsa, demək ki, belə olmalıdır. Bu sənətdir, dünyanın heç bir yeri yerində bu cür azadlıq yoxdur.

- Sənətçi kimin tərəfində olmalıdır?

- Sənətçi həmişə insanlığın tərəfində olmalıdır.

Xatırladaq ki, təqdimat mərasimində filmin baş rol ifaçısı Nəsrin Cavadzadə, filmdə rol alan başqa azərbaycanlı aktrisa, Prezidentin İctimai-siyasi məsələlər üzrə köməkçisi Əli Həsənov, millət vəkilləri Qənirə Paşayeva, Fazil Mustafa, Nizami Cəfərov, Bahar Muradova və başqaları iştirak edib.

Tarix
2015.04.16 / 16:55
Müəllif
Nilufər Muğantürk
Digər xəbərlər

Azərbaycanlı polis rəisi Rusiyada saxlanıldı

Azərbaycan bu ölkəni təbrik etdi

Bakı ilə bu ölkə arasında viza məsələsi müzakirə olunacaq

Bakı və Kiyev qaz təchizatını müzakirə etdi

Suriya lideri Bakıda İsrail rəsmiləri ilə görüşüb

İlham Əliyev Milatoviçi təbrik etdi

Rusiya Zəngəzur dəhlizinin bahalığından “narahat” oldu

Türkiyə ilə Ermənistan arasında yeganə hüquqi sənəd...

Ukrayna müharibəsi təhlükəsizliyə ciddi zərər verir - Rəfiyev

TRT-dən tarixi Azərbaycan şəhəri ilə bağlı böyük səhv

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla