Çingiz Aytmatovla Çingiz Abdullayevin romanlarının janrları başqadır. Çingiz Aytmatovun əsərləri dünya durduqca oxunacaq. Çingiz Abdullayevin əsərləri isə 3 gündən sonra unudulur.

Kult.az xəbər verir ki, bu sözləri millət vəkili Etibar Əliyev xalq yazıçısı Çingiz Abdullayevin rusdilli məktəblərin qorunması ilə bağlı məlum fikirləri ətrafında yaranan müzakirələr haqda qeyd edib. O, dramaturq Firuz Mustafanın Çingizlər – Çingiz Abdullayev, Çingiz Aytmatov və Çingiz Hüseynovla bağlı müqayisəsinə reaksiya verib və detektiv janrın tam çöküşə uğradığını bildirib:

“Detektivi hansı dildə yazırsan yaz, tərcüməsi də çox asandır. Ancaq Aytmatovun “Tavro Kasandra”sını tərcümə etmək hər tərcüməçinin işi deyil. Abdullayevin bundan sonra intervüləri və dialoqları maraqlı ola bilər. Bəlkə də ən çox detektiv oxuyanlardan biri mən olmuşam. 10 il bundan əvvəl bu janrda olan yüzlərlə kitabı, hətta Çeyzin, Qardnerin, Stautun, Makdonaldın, Ladlemin, Aqata Kristinin, Forsaytın, Şeldonun və ən nəhayət, hörmətli Çingiz müəllimin əsərlərini bukinistə hədiyyə etmişəm. Elə bilirəm ki, Aytmatov “Əsrə bərbər gün” (И дольше века длится день) adlı şah əsərini Azərbaycan dilində yazıb. Detektiv isə makulaturadır...

Çingiz Hüseynova gəldikdə isə elə bilirəm ki, onu da öz dilimizdə oxuyram”.