Ana səhifə Kult |
Mədəniyyət və Turizm Nazirliyi "Bölgələrdən paytaxta" adlı yeni layihəyə start verib.
Nazirlikdən Axar.az-a verilən məlumata görə, "Bölgələrdən paytaxta" adlı yeni layihənin məqsədi Azərbaycan mədəniyyətinin tarixi və müasir zənginliklərini, regionların adət-ənənələrini, mətbəx nümunələrini, sosial-iqtisadi inkişafını, sənət ustalarının əl işlərini, regionlarda fəaliyyət göstərən bədii kollektivlərin və incəsənət ustalarının çıxışlarını nümayiş etdirmək və bölgənin turizm imkanlarını təbliğ etməkdən ibarətdir.
Layihə çərçivəsində bir neçə tədbir təşkil edilib, növbəti tədbir isə Şəkiyə həsr olunub. Tədbir Bakı Şəhər Mədəniyyət və Turizm İdarəsi və Şəki rayon Mədəniyyət və Turizm şöbəsinin təşkilatçılığı ilə aprelin 21-i saat 18:30-da Azərbaycan Dövlət Akademik Milli Dram Teatrında reallaşacaq. Layihə çərçivəsində Azərbaycan mədəniyyətinin tarixi, müasir zənginlikləri və Şəkinin adət-ənənələrini əks etdirən dekorativ tətbiqi sənət nümunələri, bölgənin turizm imkanları nümayiş olunacaq, incəsənət ustalarının konserti təşkil ediləcək.
Qeyd edək ki, 2015-ci il ərzində Lənkəran, Gəncə, İsmayıllı, Şəmkir, Gədəbəy və Abşeron rayonlarının Bakı şəhərində mədəni tədbirləri keçiriləcək və hər bir regionun qədim tarixi, ənənələri, incəsənət nümunələri geniş formatda təqdim olunacaq. "Bölgələrdən paytaxta" adlı yeni layihə çərçivəsində daha əvvəl Masallı, Qəbələ və Quba rayonlarının Bakıda təqdimatı gerçəkləşib.
Tarix
2015.04.21 / 15:20
|
Müəllif
Nilufər Muğantürk
|