Axar.az
Yuxarı

“Bu şəhərdə” yeni kanalda yeni adla gəlir

Ana səhifə Kult
12 Punto 14 Punto 16 Punto 18 Punto

“Bu şəhərdə” komandası yeni mövsümdən ATV kanalında verilişlə tamaşaçıların görüşünə gələcək.

Kult.az xəbər verir ki, bu haqda “Bu şəhərdə” yumor komandasının ssenaristi Moderator.az-a deyib.

“Okyabr ayından etibarən ATV kanalında yeni verilişlə tamaşaçıların görüşünə gələcəyik. Özəl olaraq sizə deyirəm ki, verilişin adı “Bu şəhərdə 2050” olacaq. Adından da göründüyü kimi, hər şey 2050-ci ildə baş verəcək. Rafael və Coşqunun ifasında yeni səhnəciklər olacaq, həm də efirdə yayımlanan və yayımlanmayan konsertlərimizdən görüntülər də veriləcək. Bildiyiniz kimi, 21 il ərzində “Bu şəhərdə” prodakşn olaraq ayrı-ayrı kanallarla əməkdaşlığımız olub. Hamısı ilə də gözəl münasibətimiz var. O cümlədən də ATV kanalı ilə. ATV kanalı bizə doğma və əziz kanaldır. Kanaldan bizə təklif gəldi, biz də sevərək razılaşdıq. Hələ ki, bir televiziya mövsümü üçün razılaşmışıq. Böyük ehtimalla bir yox, iki ayrı layihə ilə efirə çıxacağıq. İkinci layihənin hələ ki, müzakirəsi gedir”, - deyə o bildirib.

Müşfiq Abbasov “Bu şəhərdə”nin Yutub kanalından da söhbət açıb:

“Artıq bir neçə aydır ki, Yutub səhifəmizdə “Qayınananın vəsiyyəti” serialı yayımlanır. 22 seriyası var kanalımızda, ardı da çəkilir. İnşallah, bu serial da ATV kanalında yayımlanacaq. Kanal tərəfindən bizim çəkilişlər üçün hər cür imkan yaradılıb. Hər şey gözəldir. Qaldı yaradıcılıq tərəfi, bu da bizim üzərimizə düşür. Çalışacağıq ki, ən baxımlı kanalda ən baxımlı layihələrə imza ataq. Düzdü, Yutub bizə qazanc gətirir, amma çəkilişlərimizi elə keyfiyyətdə aparırıq ki, bizim xərclərimiz çox olur. Hər ay ən azından 2 min manat öz cibimizdən pul qoyuruq ki, onu yüksək səviyyədə saxlayaq. İndi bizdə 500 mindən çox izləyici var. Ölkənin reytinqli, baxılan kanallarından biridir. Ona görə də sponsorsuz mümkün deyil. Bizdə də sponsor var, dəstəkdirlər. Hansı ki, onların da Yutub reklamına ehtiyacları var. Bilirsiniz ki, son vaxtlar bir çox şirkət və brendlər öz mallarını sosial şəbəkələrdə reklam etməyə üstünlük verirlər. Bu da təbii ki, zəmanənin tələbidir. Yutubumuzda yarım milyondan çox izləyici olsa da, bizim əsas baxış kütləmiz daha çox yaşlı təbəqədir. Televiziya ilə müqayisədə Yutubda auditoriyamız azdır. Tamaşaçımız daha çox konsert salonlarında və televiziya efirlərində bizə baxmağa üstünlük verirlər. Heydər Əliyev Sarayında bizdən çox konsert verən olmayıb. Hər doğum günümüzü Heydər Əliyev Sarayında qeyd edirdik, çox təəssüflər olsun ki, pandemiyaya görə 20 illik yubileyimizi qeyd edə bilmədik. Pandemiyada Azərbaycanda və xaricdə 10-dan çox konsert təxirə salmışıq. İnşallah, qismət olsun tezliklə tamaşaçılarımızla görüşək”.

Tarix
2021.09.19 / 23:33
Müəllif
Kult.az
Şərhlər
Digər xəbərlər

Türk səfir Suqovuşanda: Dağlar da qardaşdır... - Foto

Plagiat, pulla yazılan elmi işlər – Alim açıqladı

Şeyx Əbdül Putinə teleqram göndərdi

90 yaşlı aktyor kosmosa uçdu

Tural Gəncəliyev niyə ermənicə öyrədir? - Video

Deyirlər yenidən yoluxsan, öləcəksən - Şeyx Əbdül

“Bakının 30 milyon sərbazı” İranı həyəcanlandırdı

Harri Potterin müəllifi uşaqlar üçün yeni kitab yazdı

Əhməd Cavad güllələnməyib – Nəticəsi faktları açıqladı

Hacı Şahinin İrana "ehtiyatlı" cavabının səbəbi

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla