Türkiyəli pop musiqi ifaçısı Niran Ünsal Tvitterdən Əhməd Qaya ilə bağlı maraqlı tvit atıb.

Axar.az xəbər verir ki, cavab çox gözlətmədən Əhməd Qayanın həyat yoldaşı Gültən Qayadan gəlib.

Əhməd Qayanın bu gün yaşasa "HDP və bölücülük edən hər kəsin üstündən xətt çəkəcəyini" söyləyən Niran Ünsala müğənninin həyat yoldaşı Gültən Qaya belə cavab verib:

"Sən Əhmədi yanlış tanımısan, Əhməd yaşasaydı, ilk üzünə tüpürəcək olanlardan biri də səndin, Niran Ünsal".

Daha sonra fikirlərinə aydınlıq gətirən Gültən Qaya bunları deyib:

"Bir müddətdir, "görəsən bunlar insanlığını nə vaxt itirdi" deyə sizi izləyirəm, amma heç kimin haqqında bir kəlmə söyləmədim, söyləmərəm də. Amma, lütfən, məni, ailəmizi, bizi o pis oyunlarınıza alət etməyin. Əhməd kimdi, hamı yaxşı bilir, mənim nəsə deməyimlə Əhməd dəyişməz. Əhməd cəsur, mərd və qürurluydu və heç vaxt güclünün yanında olmadı, həmişə gücsüzün yanında oldu. Əhmədi həmişə belə xatırlayaq, olarmı?"