Yuxarı

Kamal Abdulla Rumıniyada Fəxri doktor seçildi

Ana səhifə Kult
12 Punto 14 Punto 16 Punto 18 Punto

Azərbaycan Dillər Universitetinin (ADU) rektoru akademik Kamal Abdulla Rumıniyanın Piteşti Universitetinin fəxri doktoru seçilib.

Kult.az xəbər verir ki, bununla bağlı Kamal Abdulla Piteşti Universitetinin rektoru Dumitru Kirleşan tərəfindən Rumıniyaya dəvət olunub. Bu ali təhsil ocağı tərəfindən göndərilən məktubda qeyd olunub ki, o, iki ölkə arasında təhsil və elm münasibətlərinin inkişafındakı xidmətlərinə, eyni zamanda, rumın dilinin ADU-da yüksək səviyyədə tədrisinə, bu ölkənin mədəniyyətinin təbliğindəki müstəsna roluna görə bu fəxri ada layiq görülüb.

Rektor Kamal Abdulla və ADU-nun Mərkəzlərlə iş bölməsinin rəhbəri Anar Rəhimov 19-27 oktyabr tarixlərində Buxarest, Pteşti və İaşi şəhərlərində akademik ezamiyyətdə olacaqlar.

Səfər müddətində akademik Kamal Abdullaya Piteşti Universitetinin fəxri doktoru adı təqdim olunacaq, yazıçının “Bir, iki, bizimki” əsəri əsasında Pteşti Universitetinin tələbələri tərəfindən hazırlanan tamaşanın premyerası da keçiriləcək. Kamal Abdulla eyni zamanda İaşi Universitetində “Azərbaycan multikulturalizmi” mövzusunda mühazirə oxuyacaq, Azərbaycan Multikulturalizm Mərkəzinin açılış mərasimində iştirak edəcək.

Oktyabrın 25-də İaşi Universitetinin rektoru ilə ADU-nun rektoru arasında anlaşma memorandumu imzalanacaq.

Tarix
2022.10.07 / 15:24
Müəllif
Kult.az
Digər xəbərlər

Yekaterinburq hadisəsi: Baş Prokurorluqda brifinq keçirilir

Azərbaycanlıları öldürən OMON-çuların - Fotosu

Tarixdə ilk: Bakı və İrəvan eyni vaxtda Kremlə qarşı...

Rusiyanın miqrant şantajı: bu ölkələr də etiraza qalxacaq

Şahin Şıxlinski sərbəst buraxıldı

Azərbaycan Polisi 107 yaşında!

Rusiyadakı beynəlxalq təşkilatlara müraciət olunacaq

Moskvanın Bakıya “demarşı”: buna hazırlaşmalıyıq

Əliyev və Zelenski razılaşdı: Yaxın zamanda...

Vladimir Zelenski İlham Əliyevə başsağlığı verdi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla