Axar.az
Yuxarı

Fransanın xilaskarı, Rodezin Fatehi - Həşimov

Ana səhifə Kult
12 Punto 14 Punto 16 Punto 18 Punto

Fransa Müqavimət Hərəkatının döyüşçüləri ilə çiyin-çiyinə təxribat əməliyyatlarında, Fransanın şəhər və kəndlərinin azad edilməsi uğrunda gedən döyüşlərdə azərbaycanlılar aktiv iştirak etmişlər.

Sovet ordusunun uğurlarından qorxan faşist komandanlığı hərbi əsir düşərgələrini cəbhə xəttindən uzağa, Fransanın cənubuna köçürdü. Azərbaycanlı hərbi əsirlər əsasən Rodez şəhərinin düşərgəsində saxlanılırdı. Məhz burada, Rodez rayonunda ilk sovet partizan alayının yaradılmasına başlanıldı. Faşizmə qarşı qorxmaz döyüşçü kimi şöhrət qazanan azərbaycanlı - zabit Mirzəxan Məmmədov düşərgədə olan bütün azərbaycanlıları öz ətrafında birləşdirə bildi və antifaşist təşkilatına rəhbərlik etdi.

Nuruş İmamqulu oğlu Mehdiyev, Cəlil Tanrıverdiyev, Məmməd Məmmədov, Xasay Quliyev, Allahverdi Vəliyev, Hüseynrza Məmmədov, Təvəkkül Məmmədov, Abbas Hüseynov, Xələf Hacıyev, Xaləddin Hacımuradov, Eyyub Məmmədov, Şahzadə Əbdürqəşimov, Əhmədiyyə Cəbrayılov və daha yüzlərlə azərbaycanlı Fransanı faşizmin əlindən alıblar. Larzak, Kursak, Mand, Nim, Rodez şəhərlərini yalnız azərbaycanlı partizanlar, heç bir kömək olmadan, azad ediblər. Rodezin azad edilməsi zamanı partizanlar - azərbaycanlılar xüsusi şücaət göstərmişlər. Daha sonra Fransanın Nyma, Alessa və s. şəhərlərinin faşistlərdən azad edilməsində iştirak etmişlər. Hamısı da həmin döyüşlərdən sonra komandanlığın əmri ilə Fransanın orden və medalları ilə təltif edilmişdir.

Bunlar içərisində İdris Həşimovun adı Fransa mənbələrində xüsusi hallanır. 5 mart 1944-cü ildə İdris Həşimovun adına verilmiş sənəddə yazılır ki, o, Aveyron rayonunun Aret-sol batalyonunda xidmət edib. Həşimov - Lion, Dijon, Rodez şəhərlərinin azad edilməsində iştirak edib, Millo, Mend, Lanqonne və s. ərazilərində faşist işğalçıları ilə döyüşlərdə düşmənin onlarla canlı qüvvəsini və texnikasını məhv edib. Buna görə Franda Müqavimət Hərəkatının komandanlığından 2 xüsusi təşəkkür alıb.

Qeyd edim ki, təkcə düşmənlərə savaşmayıb Həşimov, onun yüzlərlə fransız uşaq, qadın və yaşlı insanı düşərgələrdən xilas etməsi barədə də qeydlər var. Deyilənə görə, Fransanın bir çox yerində onun xilas etdiyi şəxslər kilsədə onun üçün dualar edirdilər.

İdris Həşimov barədə Fransa mənbələrində yazılır ki, onun qəhrəmanlıqları barədə o dövrdə əfsanələr yayılmışdı və onu Rodez Fatehi deyə adlandırırdılar. Çox heyf ki, nə rus, nə də Azərbaycan arxivlərində onun haqqında başqa məlumata rast gəlmək olur.

Hazırda onun nəvəsi Elnurə Həşimova Amerikada yaşayır.

Tarix
2022.11.20 / 08:00
Müəllif
Zaur Əliyev
Şərhlər
Digər xəbərlər

Məşhur rus müğənnilərə sanksiya tətbiq edildi

İfadəyə çağırılan azərbaycanlı musiqiçi həbs olundu

Depardyedən şok: Rus olduğuma görə utanıram

Gürcüstanı “Avroviziya”da erməni təmsil edəcək

Paşayeva təbrizli ünlü sənətkarla görüşdü

Farslar İrana gəlmə xalqdır – Tanınmış alim

Bu türk dövləti ən yaxşı şahmat ölkəsi kimi tanındı

9 əsrlik qəbiristanlıq dağılmaq təhlükəsilə üz-üzədir

Məşhur rusiyalı müğənni infarkt oldu

Mel Gibson erməni kilsəsinə getdi

KULT
<>
Xəbər xətti
Axar.az'da reklam Bağla
Reklam
Bize yazin Bağla