Dünyaca məşhur bir layihə təqdim edəcəyəm.

Bu sözləri əməkdar artist Murad Dadaşov yeni layihəsi ilə bağlı Axar.az-a danışarkən deyib. Tanınmış şoumen teleməkanda böyük rezonans doğuracaq bir layihə ətrafında çalışdıqlarını bildirib:

"Mən hazırda xaricdəyəm, yeni bir layihə ilə bağlı razılaşmanı təmin etmək üçün gəlmişəm. Hələ verilişin adını açıqlamaq istəmirəm. Amma onu deyim ki, bunu dünyaca məşhur bir şirkət hazırlayır,yeri gəlmişkən, "Milyonçu" şousu da onlara aiddir.

Veriliş format baxımından musiqili, məşhur bir teleoyundur.Hələ Azərbaycan tarixində belə bir formatda veriliş olmayıb. Əminəm ki, bu oyun televiziya tarixindəki bütün reytinqləri alt-üst edəcək. Çalışırıq, tez bir zamanda bu layihəni ərsəyə gətirək. Hadisələr göstərir ki, veriliş gələn ilin yaz aylarında ekranlarda yer alacaq".