"Bakı" həftəlik elektron qəzetinin son sayı müasir qəzet jurnalistikasının əsasını qoyan Nəsir İmanquliyevə ithaf edilib.

Axar.az xəbər verir ki, bu barədə məlumatı qəzetin yaradıcı heyəti birinci səhifədə elan edib.

Qəzetin bu sayında M.V.Lomonosov adına Moskva Universitetinin Bakı filialının rektoru, professor Nərgiz Paşayevanın, Azərbaycan xalq yazıçısı Elçin Əfəndiyevin, əməkdar mədəniyyət işçisi Aqil Dadaşovun, BDU-nun Jurnalistika fakültəsinin Beynəlxalq jurnalistika kafedrasının müəllimi, filologiya elmlər doktoru, professor Nəsir Əhmədlinin, BDU-nun Jurnalistika fakültəsinin professoru Şirməmməd Hüseynovun Nəsir İmamquliyevə həsr etdiyi yazılar dərc edilib.

Xatırladaq ki, Nəsir İmanquliyevin yeganə övladı, görkəmli şərqşünas alim Aida İmanquliyevadır (Aida İmanquliyeva Birinci xanım Mehriban Əliyevanın anasıdır). Nəsir İmanquliyev 1911-ci il dekabrın 22-sində Bakıda anadan olub. 2011-ci ilin dekabrında Azərbaycan Respublikası prezidentinin sərəncamına əsasən, ölkəmizdə Nəsir İmanquliyevin 100 illiyinə həsr olunmuş silsilə yubiley tədbirləri keçirilib. Ustad jurnalist 1998-ci ildə dünyasını dəyişib.