Gənclərimiz, yaşlılarımız hamısı tez-tez yeni geyimlər alıb geyinirlər. Ümumiyyətlə, Azərbaycan xalqı həmişə yaxşı geyinməyi sevir.

Bu sözləri aparıcı Şəhriyar Əbilov reklam işi ilə bağlı iş adamlarına göstərə biləcəyi dəstəkdən danışarkən Axar.az-a danışarkən deyib. Aparıcı biznesdə reklamın əsas olduğunu bildirib:

"Bizneslə məşğul olmaq istəyənlər birinci növbədə özlərinə yaxşı ətraf yığmalıdırlar və hiss etməlidirlər ki, onlara bu sahədə ehtiyac var. Məsələn, şou-biznesdə ən yaxşı geyimi reklam edənlərdən biri mənəm. Mən bunu tamaşaçıya sata bilirəmsə, deməli, müştərimə də sata biləcəyəm. Bir şeyi ürəkdən istəmək lazımdır. Ona istiqamətlənmək və bu yolda çalışmaq vacibdir. Gənclərimiz, yaşlılarımız hamısı tez-tez yeni geyimlər alıb geyinirlər. Ümumiyyətlə, Azərbaycan xalqı həmişə yaxşı geyinməyi sevir. Amma hər kəs nədənsə tünd rənglərə üstünlük verir. Biz isə onlara, onların xasiyyətinə, ruhuna uyğun rənglər təklif edirik. Daxilən özünüzü hansı rəngdə hiss edirsinizsə, o rəngdə də geyinin. Əsas gözəl görsənməkdir. Kişi, fikrimcə, kişi kimi geyinməlidir. Fərqi yoxdu hansı rəngdə olur olsun.

Mən onlara düzgün geyinməyi öyrədəcəyəm".