Türkiyənin məşhur "Bəyaz şou" verilişində ikinci dəfə PKK terror qruplaşması dəstəklənib.

Axar.az xəbər verir ki, verilişin növbəti buraxılışında bir tamaşaçı ötən həftə PKK-ya qarşı təşkil olunan əməliyyatları pisləyən Aişə Çəliklə bağlı şüar yazılmış plakat qaldırıb.

Aparıcı Bəyaz Öztürk təcili sürətdə verilişi dayandıraraq, həmin tamaşaçını zaldan kənarlaşdırıb.

Xatırladaq ki, ötən həftə özünü müəllimə kimi təqdim edən Aişə Çəlik adlı bir qadın "Bəyaz şou"ya zəng edərək PKK-ya qarşı təşkil olunan əməliyyatları pisləmişdi. Araşdırmalardan sonra onun müəllimə yox, PKK üzvlərindən biri olduğu üzə çıxmışdı.