Dünyada hər şeyin xüsusi düzülüşü bu qaydanı kəşf edən Fibonaççi adlı riyaziyyatçının adı ilə bağlıdır.

Axar.az xəbər verir ki, "Fibonaççi ardıcıllığı" əsasən rəssamlıq, heykəltəraşlıq, memarlıq kimi sahələrdə əsas bir ölçü olaraq istifadə edilir. Təbiətdə çox sıx rast gəlinən bu nisbət bitkilərdəki incə hesab və dizaynı başa düşmək üçün əhəmiyyətli bir vasitədir.

Hər sayın özündən əvvəl gələn iki ədədin cəmi şəklində yazılıb davam etdiyi saylara Fibonaççi sayı deyilir. Düzülüşün içində bir ədədi özündən əvvəl gələn ədədə bölərək alacağımız nəticə 1,618 rəqəminə davamlı yaxınlaşacaq şəkildə meydana gələcək.

Fibonaççi ədədlərini əsrlərdir bu qədər əhəmiyyətli edən səbəblər…

Fibonaççi ardıcıllığı təbiətdə tez-tez qarşımıza çıxar. Bu ədədlər istifadə edilərək alınan kəsrlər bizə "Qızıl bölgü" verir. "Qızıl bölgü"nü qədim misirlilər və yunanlılar tapmış və daha çox memarlıqda istifadə etmişdilər. Sadə mənası ilə "Qızıl bölgü" bütünün parçaları arasında olan həndəsi və ədədi bir nisbət əlaqəsidir.

İnsan üzü

Qulaqlar arasındakı məsafə, gözlə üst dodaq arasında, burnun altı ilə çənə arasındakı məsafə qızıl nisbətdir.

İnsanın işarə barmağı

Bir insanın işarə barmağı (normal standartlardakı barmaqlar üçün etibarlı) hər bir hissəsi bir əvvəlki hissəyə nisbəti Fibonaççi sayını verir.

Qolumuzun üst hissəsinin alt hissəyə nisbəti qızıl nisbətdir.

Misir piramidaları

Hər bir piramidanın döşəməsinin yüksəkliyinə nisbəti qızıl nisbəti verir.

Bitkilər

Bitkinin sapındaki yarpaqların, bir ağacın budaqlarının nizamında hər zaman qızıl nisbət qaydası vardır. Yarpaqlardan biri başlanğıc nöqtəsi olaraq alındığında, bundan başlayaraq yuxarıya doğru (aşağıya doğru da ola bilər) sayılarsa, Fibonaççi ədədlərini verər.

Bitkilərin müəyyən riyazi düsturlara görə formalaşmış olması onların xüsusi olaraq hazırlanmış olduqlarının ən açıq dəlillərindən biridir. Bitkinin atomlarında, DNT-sində gördüyümüz həssas ölçü və tarazlıq bitkinin xarici görünüşündə də ortaya çıxır. Bitkinin günəşdən maksimum faydalanması kimi həyati məqsədlərlə yanaşı bitkiyə estetik bir gözəllik qazandıran bu düsturlar müəyyən sayda olan molekulların bir yerə gəlməsilə ortaya çıxan rənglərlə birləşdiyində fövqəladə gözəllikdə mənzərələr ortaya çıxır.