12:10

Bakı-Quba yolunda postdan geri qaytarılmağım və polislərlə mübahisə etməyimlə bağlı yayılan məlumatlar yalandır.

Bu sözləri Kult.az-a əməkdar artist Ruhəngiz Allahverdiyeva deyib. O bildirib ki, sözügedən məsələ ilə bağlı yayılan xəbərlərdən məlumatsızdır:

“Bununla bağlı nə xəbərim var, nə də belə bir hadisə baş verib. Yayılan bütün məlumatlar əsassız və yalandır”.

Qeyd edək ki, bu gün bəzi saytlarda R.Allahverdiyevanın karantin qaydlarını pozaraq Qubaya getməyə cəhd etməsi və postdan geri qaytarılarkən polislərlə mübahisə etdiyi barədə məlumatlar yayılıb.

Xatırladaq ki, bundan öncə əməkdar artist Elnarə Abdullayeva Şamaxıya getmək istəyib, amma geri qaytarılıb.