Xalq artisti Tünzalə Ağayeva İMZA Sosial İnkişafa Dəstək İctimai Birliyinin təşkilati dəstəyi ilə yeni klip çəkdirib.

İMZA Sosial Inkişafa Dəstək İctimai Birliyinin Beynəlxalq və İctimaiyyətlə Əlaqələr departamentinin rəhbəri Elnar Məmmədlinin Kult.az-a verdiyi məlumata görə, müğənni bu dəfə “Şuşam mənim” adlı öz yeni şərqisi ilə azad Şuşamızı tərənnüm edib.

Böyük şairimiz Rəsul Rzanın sözlərinə bəstələnmiş mahnı qısa müddətdə azərbaycanlı tamaşaçıların sevgisini qazanıb.

İMZA Sosial İnkişafa Dəstək İctimai Birliyi xalq artisti Tünzalə Ağayevaya, klipin ssenari müəllifi Günel Anarqızına və rejissoru Ülviyyə Könülə, bütün yaradıcı heyətə layihəni yüksək peşəkarlıq, incə zövq və ustalıqla həyata keçirdiyinə görə təşəkkür edib.