Dünyanın ən böyük kosmik gəmisi olan “Starship”in 10-cu test uçuşu uğurla başa çatıb.

Axar.az xəbər verir ki, bu barədə BBC məlumat yayıb.

Məlumata görə, “SpeysX” şirkətinin istehsalı olan “Starship” Texas ştatından yerli vaxtla avqustun 26-sı saat 18:30-da (Bakı vaxtı ilə 27 avqust 03:30) buraxılıb. Budəfəki sınaq əvvəlkilərdən fərqli olaraq uğurla yekunlaşıb.

Uçuş zamanı gəmini orbitə çıxarmaq üçün “Super Heavy” adlı güclü raketdən istifadə olunub.

İlon Mask özünün X səhifəsində uçuşla bağlı "SpeysX komandası tərəfindən böyük iş!" yazıb.

Qeyd edək ki, NASA bu kosmik gəmini gələcəkdə Ay missiyaları üçün istifadə etməyi planlaşdırır. İlon Mask isə “Starship”lə Marsa insan göndərmək niyyətindədir.