Birləşmiş Ştatlar Rusiya, Çin və KXDR-dən olan iki şəxsə və iki şirkətə qarşı sanksiya tətbiq edib və bildirilir ki, qeyd olunanlar Şimali Koreya hökumətinin təşkil etdiyi saxta İT sxemində iştirak edir.

Axar.az xəbər verir ki, bu barədə ABŞ Maliyyə Nazirliyi məlumat yayıb.

Məhdudiyyətlər Rusiya vətəndaşı Vitali Andreyev, Şimali Koreya vətəndaşı Kim Un Sun, həmçinin “Korea Sinjin Trading Corporation” (Pxenyan) və “Shenyang Geumpungri Network Technology” (Çin) şirkətlərinə şamil edilir.

Xəzinədarlıq Departamentinin bəyanatında qeyd olunur ki, Xarici Aktivlərə Nəzarət İdarəsi (OFAC) bu şəxslər və təşkilatların Şimali Koreyanın İT mütəxəssislərinin xarici şirkətlərə kiberhücumlar üçün saxta sxemlərdən istifadə edərək fəaliyyətlərində iştirakına görə sanksiyalar tətbiq edib.