Rusiya ordusu hazırda Ukraynanın Luqansk vilayətinin 99,7%-nə və Donetsk vilayətinin 79%-nə nəzarət edir.

Axar.az xəbər verir ki, bunu Rusiya Silahlı Qüvvələrinin Baş Qərargah rəisi Valeri Gerasimov deyib.

O bildirib ki, Luqanskın tam nəzarətə alınması üçün 60 kv.km-dan az ərazi qalıb.

V.Gerasimov əlavə edib ki, Ukraynanın daha iki bölgəsinin böyük hissəsi - Zaporojye vilayətinin 74%-i və Xerson vilayətinin 76%-i Rusiya qüvvələrinin nəzarəti altındadır.

Baş Qərargah rəisi həmçinin vurğulayıb ki, Rusiya ordusu Ukraynanın Sum vilayətində 210 kv.km ərazini və 13 yaşayış məntəqəsini də nəzarətdə saxlayır.