Husi hökumətinin başçısı, baş nazir Əhməd Qalib ər-Rahavinin öldürülməsinə görə üsyançılar İsraildən qisas alacaqlar.

Axar.az xəbər verir ki, bu sözləri Ənsərullah hərəkatı tərəfindən yaradılmış hökumətin ali siyasi şurasının rəhbəri Mehdi əl-Maşat “Əl-Masirah” telekanalına verdiyi müsahibədə deyib.

"Əziz Yəmən xalqını əmin edirik ki, silahlı qüvvələrimiz döyüşə tam hazırdır. Hərəkatın qisası çox gözləməyəcək və İsrail Husi hökumətinin baş nazirinin öldürülməsinə görə qara günlərlə üzləşəcək", - o bildirib.

Əl-Maşat İsraildə fəaliyyət göstərən bütün şirkətləri gec olmadan ölkəni tərk etməyə çağırıb.

Qeyd edək ki, avqustun 28-i İsrailin Yəmənin paytaxtı Sənaya endirdiyi zərbələr nəticəsində baş nazir və Husi hökumətinin azı 10 üzvü ölüb.