Əfqanıstanda baş verən güclü zəlzələdən sonra xilasedicilər qadınları dağıntılar altında qoyaraq yalnız kişilərə kömək etdilər.

Axar.az xəbər verir ki, bu barədə “Nyu York Tayms” yazıb.

“Qadınların xilas edilməsi Taliban qaydaları səbəbindən çətinləşib. Xilasetmə işlərində kişilər qadınlara birbaşa yardım edə bilmədiyi üçün yaralı qadınlar uzun müddət dağıntılar altında qalıb. Yalnız qadınlar və ya yaxın kişi qohumları onları çıxara bilib. Qohumu olmayan qadınlar isə paltarlarından çəkilərək çıxarılıb”, - nəşr bildirib.

Qeyd edək ki, 31 avqustda baş verən zəlzələ nəticəsində 2200-dən çox insan həlak olub.