Nijni Novqorod hava limanına təyyarələrin enişi və uçuşu ilə bağlı müvəqqəti məhdudiyyətlər tətbiq edilib.

Axar.az xəbər verir ki, bu barədə “Rosaviasiya”dan məlumat verilib.

“Məhdudiyyətlər uçuşların təhlükəsizliyini təmin etmək üçün tətbiq edilib”, - məlumatda qeyd olunub.

Leninqrad vilayətinə PUA hücumu səbəbindən Sankt-Peterburqun Pulkovo hava limanına da məhdudiyyət tətbiq edilib.

Penza vilayətində də “Xalça” planı tətbiq olunub, yerli hava limanı müvəqqəti olaraq bağlanıb.

“Vilayətin bir neçə rayonunda “Xalça” planı tətbiq olunub”, - regionun rəhbəri Oleq Melniçenko özünün Teleqram kanalında yazıb.

Rusiyanın Saransk hava limanında da uçuşlara müvəqqəti məhdudiyyət qoyulub.