Son bir ildə Rusiya ordusunda fərarilik halları iki dəfə artıb.

Axar.az xəbər verir ki, bu barədə "Agenstvo.Novosti" məlumat yayıb.

"İndiki fərarilik bu sürətdə davam edərsə, ilin sonuna qədər ən azı 70 min insan Rusiya ordusundan qaçacaq",- məlumatda deyilib.

Qeyd olunub ki, ukraynalı analitiklər “Mən yaşamaq istəyirəm” layihəsi əsasında toplanmış Rusiya hərbçilərinin on minlərlə şəxsi sənədlərini, habelə briqada, diviziya və ordu səviyyəsində bir neçə rus bölməsinin əldə olunan daxili sənədləri araşdırıblar:

"Bu sənədlərdən birində 2022-ci ildən 2025-ci ilin iyuluna qədər olan dövr üçün adları və bölmə nömrələri olan 13 min 800 fərarinin siyahısı var. Sənəd 2024 və 2025-ci illər ərzində fərarilik hallarının davamlı artımını açıq şəkildə göstərir. Belə ki, sənəddə bütün 2024-cü il ərzində 3,2 min fərarilik halı qeydə alınıbsa, 2025-ci ildə təkcə ilin birinci yarısında artıq 3,4 min belə hal var".