Ukrayna Rusiyanın PUA-ları və raket hücumları təhlükəsi səbəbindən Silahlı Qüvvələrin təlim mərkəzlərində təhlükəsizliyi gücləndirir.

Axar.az xəbər verir ki, bu barədə Ukrayna Silahlı Qüvvələrinin baş komandanı Aleksandr Sırski Feysbuk hesabında yazıb.

"Dron və raket təhdidlərini nəzərə alaraq, təlim mərkəzlərinin təhlükəsizliyinin gücləndirilməsi istiqamətində işlər davam etdirilir. Onlar mümkün qədər cəbhə xəttindən uzaqlaşdırılır. Bu, ucqar yerlərdə də yüksək təlim standartlarının təmin edilməsi problemini yaradır", - o deyib.

O, təlim mərkəzlərinin ölkənin dərinliklərinə köçürüləcəyini bildirib.