Türkiyə Rusiya ilə Qara dəniz sahilindəki Sinop şəhərində və Trakiyada səkkiz atom reaktorunun tikintisini müzakirə edir.

Axar.az xəbər verir ki, bu barədə Türkiyənin energetika naziri Alparslan Bayraqdar "Rossiya-24" telekanalına müsahibəsində açıqlayıb.

Nazir xatırladıb ki, Rusiyanın "Rosatom" dövlət korporasiyası ilə birgə "Akkuyu" Atom Elektrik Stansiyası (AES) inşa edilir və Türkiyə 2026-cı ildə stansiyanın dörd reaktorundan birincisini istismara verməyi planlaşdırır.

"Bundan əlavə, Sinopda və Trakiyada daha səkkiz reaktora ehtiyacımız var. Hazırda bu layihələr üzərində danışıqlar aparırıq", – deyə Bayraqdar qeyd edib.