Baltikyanı ölkələr Rusiyanın hücumu halında kütləvi evakuasiya planlaşdırır.

Axar.az xəbər verir ki, bu barədə “Röyters” məlumat yayıb.

Məlumata görə, Rusiyanın böyük hərbi xərclərindən narahat olan Estoniya, Litva və Latviya Rusiyanın hücumu halında yüz minlərlə insanın mümkün evakuasiyası üçün plan hazırlayır:

“Litva bu həftə Vilnüsdən cəmi 100 nəfərin təxliyəsi ilə bağlı təlim keçirib, lakin rəsmilər daha çox insan üçün hələ də məxfi saxlanılan fövqəladə hallar planının hazırlandığını bildirir”.

Litvanın Yanğın təhlükəsizliyi və xilasetmə departamentinin rəhbəri Renatas Pozela bildirib ki, təhdidlər müxtəlif ola bilər:

“Baltikyanı ölkələrin sərhədləri boyunca üç gün və ya bir həftə ərzində hər üç ölkəni ələ keçirmək məqsədi ilə güclü bir ordu görə bilərik”.