Rusiya Prezidenti Vladimir Putin Avropada sabitliyi pozmağa və qorxutmağa çalışır. Buna cavab olaraq AB susur.

Axar.az xəbər verir ki, bunu "Neue Zürcher Zeitung"un baş redaktoru Erik Qayer deyib.

Onun sözlərinə görə, dronlardan ibarət "divar" Avropanı Rusiyanın mümkün hücumlarından qoruya bilməyəcək.

Qayer vurğulayıb ki, üstəlik Avropanın cənubundakı ölkələr bunda iştirak etməkdən çəkinir, Şimali Avropada isə hərbi bürokratiya və müəyyən qaydalar müdafiə satınalmalarına mane olur.

O xəbərdarlıq edib ki, bu, rusların Avropaya qarşı daha da mürəkkəb təxribatlarına səbəb ola bilər:

"Putin NATO-nu məhv edə biləcəyinə və ABŞ-ı Avropadan sıxışdırıb çıxara biləcəyinə tam əmin olsa, təxribatlarla məhdudlaşmayacaq.

Hətta Avropanın ən nüfuzlu ölkələrindən biri olan Almaniya da indi son dərəcə həssas vəziyyətdədir. Onun hava hücumundan müdafiəsi dəhşətli vəziyyətdədir, orta mənzilli raketlərin və nüvə silahlarının olmaması vəziyyəti daha da pisləşdirir".