Rusiya Futbol İttifaqının Nəzarət və İntizam Komitəsi iş adamı Tufan Sadıqovun ömürlük futbolla bağlı fəaliyyətdən məhrum edilməsi barədə qərar qəbul edib.

Axar.az Publika.az-a istinadən xəbər verir ki, bu barədə komitənin rəhbəri Artur Qriqoryants bildirib.

“6 aydan artıq müddət ərzində FİFA qarşısında maliyyə öhdəliklərini yerinə yetirmədiyinə görə Sadıqova ömürlük futbolla bağlı hər hansı fəaliyyətlə məşğul olmaq qadağan edilib.

“Ximki”nin maliyyə siyasətini müəyyən etmək səlahiyyətinə malik olan Sadıqov qeyri-idman səbəblərdən peşəkar statusunu itirməsi ilə nəticələnən ədalətsiz və əsassız hərəkətlərə yol verib.

Sadıqov qərardan RFİ-nin Apellyasiya Komitəsinə şikayət edə bilər”, – Qriqoryants deyib.