Almaniya hökuməti hərbi qüvvələrinin genişmiqyaslı artırılması çərçivəsində yeni avadanlıqlar alacaq.

Axar.az xəbər verir ki, bu barədə “Blumberq” məlumat yayıb.

“Almaniya “Airbus SE”-dən üç milyard avroluq silah və texnika, xüsusən də 20 yüngül döyüş helikopteri almağı planlaşdırır. Siyahıya təxminən bir milyard avro dəyərində “Hensoldt AG” və “Theon International” şirkətlərindən 100.000 gecə görmə cihazı da daxildir.

Müdafiə Nazirliyi həmçinin “Diehl” şirkəti tərəfindən istehsal edilən əlavə 1,2 milyard avro dəyərində İRİS-T SLM hava hücumundan müdafiə raketlərinin alınması üçün təsdiq tələb edir”, - məlumatda bildirilib.