Ukrayna Prezident Ofisinin rəhbəri Andrey Yermakın istefası Kiyev rejiminin daha bir piar addımıdır və bu, pislənilməlidir.

Axar.az xəbər verir ki, bunu Rusiya Xarici İşlər Nazirliyinin rəsmisi Mariya Zaxarova deyib.

“Bütün bunlar sadəcə növbəti piar hərəkətidir. Kiyev rejimi bu şarın tamamilə çökməsinin qarşısını almaq üçün qum torbasını kəsir. Əslində, bu, istefa məsələsi deyil, bu, bütün dəstənin məsuliyyətə cəlb olunması məsələsidir. Təkcə ukraynalıların pulunu mənimsəmək kimi daxili cinayətlərə görə deyil, həm də beynəlxalq cinayətkarlara görə...”, - Zaxarova bildirib.

Qeyd edək ki, 28 noyabrda antikorrupsiya qurumlarının evində və ofisində axtarış aparması fonunda Andrey Yermak istefa verib.